Тачи во ненајавена едночасовна посета на Тирана
Тензиите кои владеат меѓу Косово и Турција, по депортацијата на шесмината турски државјани, е причина за косовскиот претседател Хашим Тачи да допатува во ненајавена посета на Тирана.
Тачи во Тирана се задржал само еден час и се сретна единствено со премиерот Еди Рама, кој има исклучитечно добри односи со турскиот претседател Реџеп Тајип Ердоган.
Косовскиот претседател го поддржа протерувањето на турските државјани, оценувајќи дека тие биле закана по националната безбедност на Косово, за што Ердоган му заблагодари. Но, барањето на премиерот Рамуш Харадинај за разрешување на министерот за внатрешни работи и првиот разузнувач, предизвика остри изјави од страна на Ердоган, кој меѓу другото му порача на Харадинај дека му се избројани деновите, а тој му возврати дека не треба да се меша во внатрешните работи на Косово.
Во меѓувреме и американскиот Стејт департмент преку соопштение ја поддржа Владата на Харадинај за депортацијата на турските државани.
Ненајавената посета на Тачи се случува во еден тежок момент за Владата на Еди Рама, која е под силен притисок на протестите за воведената патарина на „Патот на нацијата“, на што не се согласува и Косово.
На негодувањата на косовските владини претставници дека не биле запознати со воведувањето на патарина, Рама им порача дека не гледа причина за одлуката за патирана да се консултира со Владата на Косово.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО