Талентите на ФК Водно блеснаа во Шпанија, генерации 2013 и 2015 шампиони на “Овиедо Куп“

Младите фудбалери на ФК Водно од генерациите 2013 и 2015 постигнаа извонреден успех освојувајќи ги првите места на престижниот турнир „Овиедо Куп“, кој се одржа во Шпанија. Во силна конкуренција со екипи од повеќе држави, тие покажаа одлична игра во текот на целиот турнир и заслужено стигнаа до шампионските титули во своите категории.

Овој двоен триумф претставува потврда за квалитетната работа во младинските категории на клубот, но и доказ за големиот потенцијал што го поседуваат овие млади играчи. Успехот во Овиедо е значаен чекор во нивниот развој и воедно претставува силна промоција на македонскиот младински фудбал на меѓународната сцена.

ФК Водно со ова уште еднаш покажа дека располага со талентирани генерации кои имаат капацитет да се натпреваруваат и победуваат на високо ниво.