-->
-->
Тевдовски: Преку евроатланските интеграции и регионална соработка до одржлив економски раст и развој
-->
Клучни приоритети на Владата се унапредување на животниот стандард и приближување на државата кон Европската унија, истакна денеска министерот за финансии Драган Тевдовски на меѓународната конференција за монетарна политика и управување со финансиски средства во организација на Народната банка на Република Македонија (НБРМ).
- Тоа ќе го постигнеме преку дисциплинирана и транспарентна фискална политика, отворање нови продуктивни работни места, реформи во судството и владеење на правото, унапредување на социјалната правда, поддршка на странските и домашните инвеститори, инвестирање во инфраструктурата и јавните услуги, како и интензивирање на процесите поврзани со евроатланските интеграции, нагласи Тевдовски.
Како што соопшти Министерството за финансии, Тевдовски посочи дека кон крајот на 2017 година расположливите податоци укажуваат на закрепнување на економијата од последиците од политичката криза-тренд кој, како што рече, се очекува да продолжи и годинава со раст од 3,2 отсто и понатамошно интензивирање на растот на среден рок.
Според него, извозот, растот на инвестициите од јавниот и приватниот сектор, како и приватната потрошувачка ќе бидат двигатели на растот на бруто-домашниот производ.
Тевдовски потенцира дека покрај интеграциите кон ЕУ и НАТО, од исклучително значење за развој на економијата е и регионалното поврзување. Од таа причина се работи на повеќе проекти од областа на подобрување на инфраструктурните врски, олеснување на трговијата, соработка околу регулативата, како и заеднички настап на земјите од регионот на трети пазари.
На конференцијата покрај министерот за финансии Тевдовски, учествуваа и министерот за финансии на Бугарија Владислав Горанов, вицегувернерот на Централната Европска банка Карло Монтичели, директор на Европската банка за обнова и развој за Југоисточна Европа Шарлот Руе, директорот за стратешки анализи за Југоисточна Европа во Европската инвестициска банка Дебора Револтела.
-->
-->
-->
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево