„Тиквеш“ откупи 25 милиони килограми грозје исплатено во законскиот рок
Винарската визба „Тиквеш“ откупи 25 милиони килограми грозје од последната берба и во законски определениот рок исплати 371 милион денари.
- Минатата година откупивме рекордни 25 милиони килограми по цени над пазарните, бидејќи откупуваме исклучиво високо квалитетно грозје и исплаќаме дополнителни бонуси за екстра квалитет. За нас почитувањето на договорените обврски, особено законската регулатива во овој домен, е императив и затоа со крајни напори успеавме да ги подмириме обврските, иако виното од бербата 2015-та допрва се пласира на домашниот и светските пазари, изјави генералниот директор на винарската визба „Тиквеш“, Игор Илиевски.
Од компанијата посочуваат дека нивна долгорочна стратешка цел е добрата соработка со лозарите, во насока на постигнување и одржување на високиот квалитет на грозјето, како предуслов за производство на врвно вино.
Во таа насока, винарницата, долгорочно ќе продолжи да го поддржува производството на грозје со висок квалитет со цел да ја оствари својата заложба за производство на висококвалитетно флаширано вино од Македонија и негова светска промоција.
Ново на Сител
-
Локалните избори во Србија и изборите во Белград ќе се одржат на 2 јуни
-
АСО: Неоправдано е поскапувањето на полисите
-
Со лажен сертификат за англиски јазик аплицирала за директорка и добила работа, сега ќе одговара кривично
-
Ким Џонг-ун надгледуваше пробно истрелување ракети
-
Учениците од понеделник на пролетен распуст, наставата ќе продолжи на 7 мај
-
СПМ: Вториот круг претседателски избори ќе базира на резултатите од првиот
-
Мицотакис: Грција нема да испрати во Украина системи С-300, ниту „Патриот“
-
Столтенберг: Украина и натаму може да ја добие војната против Русија