Тони домати и праски од Албанија блокирани во Хрватска, содржеле пестициди и никел

Хрватска уништи четири тони  домати произведени во Албанија, откако било утврдено дека биле испрскани со хлорфенапир, и тоа со пет пати поголема количина од дозволената со овој отров кој ги убива инсектите.

- Во официјално соопштение од EFSA беа објавени резултатите од лабораториските тестови, каде што дозволеното ниво  е 0,01 мг/кг, додека резултатот достигна вредност од 0,06 мг/кг. Опасните домати беа произведени на земјоделски површини во Берат, објави Топ чанел.

Во меѓувреме,  хрватската држава уништи 5,5 тони праски произведени во Дивјак, бидејќи во ова овошје е пронајдено високо присуство на тешкиот метал никел. 

-Албанските земјоделци често го одгледуваат својот производ во оранжерии без да ги почитуваат нормите во користењето на заштитните средства. Ова потоа носи не само финансиски последици за албанскиот извозник, туку и намалување на вредноста на производите "made in Albania", наведува телевизијата 

Зеленчук и овошје, произведено во Албанија, редовно завршува на пазарите во соседните земји, но, нивните граѓани, оние од пограничните места, го набавуваат непосредно од албанските земјоделци.