Торнадо го погоди главниот град на Куба, Хавана– тројца загинати, стотици повредени
Три лица загинаа, а 172 се повредени во торнадо што го зафати главниот град на Куба, Хавана, објави на Твитер кубанскиот претседател Мигел Дијаз Канел Бермудес.
Тој објави и фотографија од средба со спасувачките тимови.
– Ги пребаруваме местата погодени од бурата, штетата е голема – напиша Бермудес на Твитер.
По торнадото, што ја зафати Хавана синоќа околу 21 часот по локално време, голем број домаќинства останаа без струја, а куќите покрај брегот се поплавени.
Жителите се предупредени да останат во своите домови.
Според снимките емитувани од медиумите, уништена е инфраструктурата, има голем број паднати дрвја и превртени автомобили.
Евакуирана е болницата која претрпе значителна штета, а спасувачите ги пребаруваат урнатините во потрага по евентуални жртви.
Како што објавија локалните медиуми, торнадото е редок временски феномен на Куба, која во овој дел од годината има силни бури кои доаѓаат од Атлантикот.
По Куба, торнадото продолжи да се движи кон Флорида.
Ново на Сител
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ