Традиционално искачување на Руен во организација на „Калин Камен 2015“
Вкупно педесет планинари од Крива Паланка, Скопје, Пробиштип и Прилеп учествуваа на традиционалната акција за искачување на врвот Руен на Осоговските Планини, во организација на планинарско-спортски клуб ”Калин Камен 2015” од Крива Паланка.
Акцијата, што се одржа вчера, почна од стартната точка кај машинската зграда над рудниците „Тораница“.
– Патеката е средно тешка, со денивелација од 700 метри искачување и исто толку симнување. Трасата е долга околу девет километри во еден правец, а искачувањето траеше околу три часа. Покрај самата патека има извор од каде пиевме и уживавме во убавините на Осоговоието во прекрасното сончево време. По пристигнување на врвот правевме пауза за одмор и фотографирање, а назад се вративме по истата патека, изјави Радмила Крстевска, претседателка на ЗПСК “Калин Камен 2015”.
Таа појасни дека акцијата е спроведена согласно сите стандарди за планинарење, со потребните опрема и додатоци.
-Акцијата е успешна, задоволство е да се биде дел од вакво друштво планинари, луѓе со позитивна енергија, за што упатувам благодарност до сите учесници. Времето беше одлично, што со сигурност ќе ги надополни убавите впечатоци од акцијата, додаде Крстевска.
Ново на Сител
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО
-
ВИ: „Мона Лиза“ рапува
-
УКИМ донесе Одлука за основање Фондација „Горан Стефановски“
-
Кари ја освои наградата „Џери Вест“