Трајче Здравков и Игор Ефтимов назначени за в.д. директори на двете штипски јавни претпријатија
Градоначалникот на Штип, Иван Јорданов на денешната прес-конференција информираше дека Трајче Здравков е новиот вршител на должност директор на ЈП „Исар“, а Игор Ефтимов на ЈП „Стипион“.
-Се надевам дека овие решенија ќе ја оправдат довербата на народот и она што го ветуваме дека ќе ги направиме пофункционални јавните претпријатија и да бидат сервис на граѓаните. Истите ќе бидат во функција и ќе ги задоволат барањата на нашите сограѓани. Од денес тие ќе имаат можност и обврска секојдневно во координација да ги извршуваме основните дејонсти на јавните претпријатија, рече Јорданов.
Посочи дека она со што прво ќе се зафати новиот тим е реорганизација на претпријатијата, забрзување на започнатите проекти и завршување на градежните активности.
– Новите директори приоритетно ќе имаат обврска да се реорганизираат, да создадат тим што ќе носи резултати и кој ќе биде во функција на нашите сограѓани, истакна Јорданов.
Порача дека Здравков и Ефтимов се назначени како вршители на должност на двете големи штипски претпријатија со цел да бидат пофункционални, поодговорни и да служат на граѓаните, а доколку се утврди нивна неодговорност и нефунционалност, тие ќе бидат разрешени.
Новите вршители на должност најавија дека ќе направат анализа во каква состојба се претпријатијата и ветија дека ќе бидат во служба и сервис на граѓаните.
Ново на Сител
-
Судењето за случајот „Организатори на 27 април“ презакажано за 14 ноември
-
Таравари за починатото 14-месечно бебе: Се надевам ќе се разбуди совеста кај менаџментот на болницата во Козле
-
Претставници на студентите од УКИМ бараат од МОН да се преразгледа бројот на стипендии за студентите
-
Временските услови оптимални за есенска сеидба
-
Комити Запад: Актуелното раководство во целост е неспосбно да води клуб како Вардар
-
МНР му го одзеде дипломатскиот пасош на претседателот на ФФМ Муамед Сејдини
-
ДЗР: Има неправилности во спроведувањето на пописот на залихите и управувањето со Клиниката за радиотерапија и онкологија
-
Без вода делови од улицата „Иван Цанкар“ и трета зона Припор