Трамп: Ако не ја добијам претседателската номинација можни се нереди

Фаворитот за републикански кандидат за претседател на САД, Доналд Трамп изрази уверување дека ќе освои доволно број делегати за да може да ја добие партиската номинација, предупредувајќи дека се можни нереди доколу таа му биде ускратена.

- Мислам дека не можете да кажете дека таа (номинација) се добива автоматски. Мислам дека ќе има нереди... Затоа што јас претставувам милиони луѓе, рече Трамп во изјава за Си-Ен-Ен.

Вчера во текот на „Супер вторникот 2“, Трамп победи во три од шесте американски сојузни држви во се одржаа прелиминарните избори за претседателки кандидат на Републиканската партија.

Трамп досега успеа да освои најголем број делегати на Републиканската национална конценција, што ќе се оддржи во јули и на која ќе биде избран кандидатот на републиканците за претседател на САД на изборите во ноември, но, според аналитичарите, ако се задржи сегашниот тренд, на самиот собир тој ќе има противкандидат за номинацијата и исходот од гласњето на делегатите би бил до крај неизвесен.