Трамп ги пофали републиканците кои гласаа против резолуцијата за расизмот
Американскиот претседател Доналд Трамп е задоволен што членовите на Републиканската партија во Претставничкиот дом речиси едногласно се искажаа против резолуцијата за расизмот поднесена од демократите, јави дописникот на МИА од Вашингтон.
Трамп своето задоволство го искажа во денешно соопштение на Твитер. Од вкупно 191 републкански членови на Претставничкиот дом присутни на гласањето, 187 гласаа против резолуцијата.
Претходно, Претставничкиот дом на американскиот Конгрес усвои резолуција со која се осудуваат расистичките коментари на претседателот за четири демократски членки на Конгресот од малцинските заедници.
Квалификациите кон Александра Оказио Кортез, Илхар Омар и уште две конгресменки, дојдоа по нивните зачестени критики за лошите услови во кои се држат бегалците на границата со Мексико и други проблеми со кои се соочува Администрацијата на Трамп.
Претседателот преходно порача дека тие треба да ги напуштат САД „ако не се задоволни“ од тоа како стојат работите во земјата.
Од друга страна, републиканскиот аналитичар и стратег Ана Наваро го нападна Трамп поради неговите твитови. Таа истакна дека Меланија, сопругата на Трамп, родена во Словенија, е дојдена во САД и добила „зелена карта“ на основа на програмата за талентирани поединци.
– Трамп сака да ја укине програмата со која родителите на лицата со постојан престој добиваат жителство. Преку истата програма Меланија Трамп им помогна на своите родители да добијат американско државјанство, истакна Наваро.
Ново на Сител
-
Вучиќ со одговор на Стејт департментот: Еве се дружам и пијам со Додик
-
Поведена истрага против осомничен за трговија со дрога и психотропни супстанции во Скопје
-
Стејт Департмент: Разочарани сме што две санкционирани лица ќе бидат министри во Владата на Србија
-
За влез во Грција се чека по 1 час
-
Единаесет грански синдикати во КСС нема да протестираат по повод Меѓународниот ден на трудот
-
Девојче со тешки телесни повреди пренесено во прилепската болница
-
Вметнувани страници во пасош, приведен швеѓанин на Табановце
-
Санкционирани 131 возач во Скопје