Трамп го пролонгира стапувањето во сила на реципрочните царини до 1 август

Претседателот на САД, Доналд Трамп синоќа потпиша извршна наредба со која се пролонгира стапувањето во сила на така наречените реципрочни американските царини до 1 август.

Претходниот рок за завршување на трговските преговори за царините истекува денеска.

Трамп потврди дека ќе ги воведе царините од 25 проценти за стоки од Јапонија и Јужна Кореја од 1 август, доколку дотогаш не се постигне договор.

Тој посочи и дека планира да воведе царини од 40 отато за Мјанмар и Лаос, 36 проценти за Камбоџа и Тајланд, 35 отсто за Бангладеш и Србија, 32 процени за Индонезија, 30 отсто за Босна и Херцеговина и Јужноафриканска Република и по 25 отсто за Тунис, Малезија и Казахстан.