Трамп ја одби неговата последна шанса да сведочи во случајот за силување

Поранешниот американски претседател Доналд Трамп ја одби неговата последна шанса да сведочи на граѓанско судење во кое колумнистка го обвинува дека ја силувал во соблекувалната во стоковна куќа во 1996 година.

На Трамп, републиканскиот кандидат за претседател во 2024 година, американскиот окружен судија Луис Каплан му даде рок до недела во 17 часот по локално време да поднесе барање за сведочење, но тој не го стори тоа.

Тоа не е изненадување, бидејќи Трамп не се појави ниту еднаш за време на двонеделното судење во Њујорк, каде што неколку дена сведочеше авторката Е.Џи Карол, повторувајќи ги тврдењата што таа првпат јавно ги кажа во мемоарите од 2019 година.

Каплан (79) бара отштета во вкупна вредност од неколку милиони долари.

Без да сведочи Трамп, адвокатите треба да ги презентираат завршните зборови денеска, а сослушувањето најверојатно ќе започне во вторник.