Трет планинарски марш Голак 2017
Викендов планината Голак ќе биде домаќин на стотина планинари од Македонија и Бугарија организирани на дводневниот планинарски марш „Голак 2017“.
Годинашниов марш е посветен на првиот учител по спортско образование во Делчево Никола Боински.
Како што истакна на денешната прес-конференција Љупчо Чучуковски, претседател на ПСД „Голак“ од Делчево и организатор на настанот, досега за учество се пријавиле четири планинарски друштва од Бугарија и пет од Македонија.
- Досега се пријавија планинари од соседна Бугарија и тоа од градовите Карлово, Самоков, Пештера и Софија, како и од Македонија од Скопје, Велес, Штип и Берово, но очекувам до сабота да го потврдат своето учество уште неколку планинарски друштва, рече Чучуковски.
Додаде дека рутата ќе ги води планинарите по сите раритетни места низ планината Голак.
- Тргнуваме на 12 август, в сабота и тоа појдовна точка ќе ни биде новиот црковен храм во Делчево на 595 метри надморска висина, по што ќе продолжиме до манастирот Св. Богородица Балаклија и сѐ до Голак до врвот Чавка на 1.536 метри надморкса висина, каде ќе го посетиме манастирот „Св. Пантелејмон“. Логорот ќе биде поставен покрај спортските терени на 1.400 метри надморска висина, каде е организирана и забава и дружење со планинарите, истакна Чучуковски.
Чучуковски истакна дека маршот кој полека станува традиционален и е единствен во Пијанец, има единствена цел, а тоа е промоција на планината Голак како атрактивна дестинација за љубителите на планината и омасовување на планинарењето како рекреативен спорт во Делчево.
Ново на Сител
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција
-
Лога: Непочитувањето на уставното име на државата ја прави ништовна заклетвата на Сиљановска
-
Татко пријавил дека му било испратено видео материјал од физички напад на неговата ќерка
-
Фон дер Лајен: Патот на Северна Македонија кон ЕУ да продолжи со спроведување на реформите и почитување на Преспанскиот договор
-
Силјановска Давкова не кажа „Северна“ при заклетвата во Собрание
-
Силјановска-Давкова ја презеде претседателската функција од Стево Пендаровски