Трет случај на коронавирус во Косово
Во Косово денеска е потврден нов случај на заразен од коронавирусот, така што бројката на лица носители на смртоносниот вирус се зголеми на три, јави дописникот на МИА од Приштина.
Информацијата на вонредна прес-конференција ја објави министерот за здравство на Косово Арбен Витиа, наведувајќи дека новооткриениот случај е член на семејството на 77-годишниот маж, кој вчера беше дијагностификуван со Ковид-19.
Освен кај мажот, кој е косовски државјанин и е жител на селото Стубла, во близина на Витина, кој неодамна престојувал во Италија, заразата вчера беше потврдена и кај 20-годишна италијанска државјанка, која работела во меѓународна организација во градот Клина.
Витиа денеска изјави дека Владата ги презема сите потребни мерки за државата да остане колку е можно помалку погодена од епидемијата со светски размери.
Директорот на Националниот институт за јавно здравство Насер Рамадани информира дека само во текот на вчерашниот ден на Инфективната клиника во Приштина се испитани 45 лица сомнителни како носители на коронавирусот, додека вкупната бројка, без денешните испитаници, изнесува над 140 лица.
Косовската Влада синоќа одлучи времено да ги стави во карантин Клина и Витина, односно ја забрани посетата и напуштањето на двата града во кои престојувале првите случаи со коронавирус.
За попладнево е најавено објавување на резултатите од испитувањето на уште 90 лица за кои постои сомневање дека се можни носители на вирусот. Станува збор главно за лица кои биле во контакт со првите кај кои е потврдена заразата, а меѓу нив, според медиумите, има и јавни личности.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд