Три деца пренесени во болница по сообраќајката во Кисела Вода

Страшна сообраќајна незгода се случи вчера еден час пред полноќ во скопска Кисела Вода.

Во незгодата починаа две лица, а со повреди се здобиле седуммина. Меѓу повредените има и три малолетни деца.

- Во сообраќајната незгода, на место починале возачите Р.А.(50) и Х.С. (28). Со тешки телесни повреди се здобил малолетник во возилото „фолксваген пасат“, а со телесни повреди се здобиле сопатниците во истото возило Ф.А.(49), Н.А.(23) и две малолетни лица, констатирани во Комплексот клиники „Мајка Тереза“. Со телесни повреди, констатирани во Градската општа болница „Св.Наум Охридски“ се здобиле и возачите О.А. и Е.Б., соопшти МВР.