Три јавни објекти во Виница ќе добијат фотоволтаични системи
Зградата на локалната самоуправа, градинката „Гоце Делчев“ и гимназијата „Ванчо Прке“ во Виница ќе добијат фотоволтаични системи за производство на електрична енергија.
Средствата се обезбедени како грант од Министерството за финансии преку ИПА програмата на ЕУ со проектот за подобрување на општинските услуги.
– Во моментот трае тендерската постапка за избор на фирмата што ќе ги обезбеди и инсталира фотоволтаичните панели, по што ќе биде познато колку ќе изнесува финансиската вредност на целата инвестиција. Очекуваме со нејзината реализација значително да се намалат трошоците за електрична енергија и да се зголеми искористеноста на енергија од алтернативни извори, согласно стратешките определби за заштита на животната средина. Очекуваме системите да бидат инсталирани во првата половина од оваа година, истакна градоначалникот на Виница Ивица Димитров.
Поставувањето системи за искористувањее на сончевата енергија на трите објекти ќе биде втор ваков проект во Виничко, откако кон крајот на минатата година фотоволтаични панели вредни 1,5 милион денари доби основното училиште во селото Трсино.
Вкупниот грант на национално ниво за оваа намена за 36 општини е 15,5 милиони евра од ИПА програмата и дополнителни пет милиони евра како кофинасирање од Владата на Република Македонија.
Ново на Сител
-
Сиљановска Давкова: Разговорот со Радев беше пријателски и со почит, ни за миг не ги заборавив македонските национални интереси
-
Дел од општина Центар утре без вода
-
САД со санкции против конзорциумот Intellexa кој продавал шпионска технологија на авторитарните режими
-
Бугарскиот амбасадор ја одбил протестната нота, усно изразена загриженост поради отстапувањето од договорениот протокол и побарано дополнително објаснување
-
Бајден: На американската тајна служба и треба повеќе помош и работна сила
-
Градоначалникот на Белград повторно зборува за селење на гробот на Тито од Куќата на цвеќето
-
Осомничениот за обидот за убиство на Трамп пред федералниот суд на Флорида
-
Тепачка помеѓу две сестри во Скопје