Триесет и пет луѓе ги загубија животите во Мексико од мистериозна епидемија на менингитис
Мексиканските владини претставници во северниот дел на земјата објавија дека уште едно лице починало од мистериозна епидемија на менингитис, со што бројот на жртви од болеста се искачи на 35. До денеска, здравствените власти во претежно руралниот дел на државата Дуранго регистрирале 79 случаи во изминатите неколку месеци.
Првиот случај на менингитис во Дуранго беше потврден на крајот на минатата година, кога лекарите потврдија дека има неколку пациенти заболени од асептичен менингитис, исклучително опасно воспаление на мозокот.
Заразените пациенти во Дуранго биле подложени на операции во приватни болници во главниот град на таа мексиканската држава, што уште се нарекува Дуранго, покажаа податоците на Светската здравствена организација. Оваа година, здравствените власти во Дуранго речиси секој ден забележуваат нови случаи - хоспитализирања и смртни случаи.
Државната влада Дуранго го опиша избувнувањето на менингитис како „ситуација без преседан во светот“, нагласувајќи дека сите здравствени службеници на мексиканската федерална влада работат на решавање на проблемот и откривање на најдобриот третман за пациентите.
Претставниците на СЗО во декември објавија дека ја следат и помагаат да се утврди причината за менингитисот, заедно со мексиканската влада.
Не е познато дали инфекциите започнале во Дуранго и колку пациенти се опоравиле од болеста.
Ново на Сител
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047
-
На „Табановце“ се чека околу 15 минути за влез во државата
-
Нема промена на Рамката
-
Донесени дополнувањата на Законот за енергетика со кои треба да се спречи поскапување на струјата
-
Советници на Трамп му предале план за запирање на американската воена помош на Киев доколку не разговараат за мир со Москва
-
Предлог законот за дополнување на Законот за енергетика, по скратена постапка, проследен на натамошна постапка во Собранието
-
ЕУ ја продолжи заштитата на украинските бегалци до 2026 година