Тркалезна маса: Западниот Балкан во услови на мигрантска криза
„Јакнење на капацитетите и ресурсите во услови на мигрантска криза на Западен Балкан“ е насловот на меѓународната тркалезна маса што денеска ќе се одржи на Филозофскиот факултет при Универзитетот „Св. Кирил и Методиј“ во Скопје.
Експерти од земјава и од регионот ќе дискутираат за причините и последиците од меѓународните интервенции на Блискиот Исток и Северна Африка, како се менаџираат кризните состојби, како функционираат службите за цивилна заштита.
Тркалезната маса ја организираат Филозофски факултет, Факултетот за криминалистика, криминологија и безбедносни студии од Сараево (ФККБС) и Универзитетот за применети науки од Велика Горица, Хрватска.
Деканот на Филозофскиот факултет, проф. д-р Ратко Дуев, информира дека заедно со деканот на Факултетот за криминалистика, криминологија и безбедносни студии при Универзитетот во Сараево, проф. д-р Неџат Корајлиќ, и со деканот на Универзитетот во Велика Горица, проф. д-р Иван Тот, веќе почнале иницијатива за вмрежување во областа на безбедноста и миграциите и акредитирање летни школи и размена на наставници и студенти.
Целта на тркалезната маса е информација и дебата за летната школа која ќе се одржи на од 11 до 18 јуни 2018 година, со предавачи и стручни лица од трите земји.
Ново на Сител
-
Чистка на Тошковски во МВР: Разрешени сите командири и началници во Штип и Кочани
-
Инспекцијата влезе во Општина Кочани, бројот на притворени расте
-
Тема на денот со Љупчо Коцевски, Државен јавен обвинител
-
22 објекти имаат важечки лиценци во цела држава, утврдиле пазарните инспектори
-
Мирен собир во Струмица
-
Мирен собир на Градскиот плоштад во Скопје
-
Мирен собир во Кочани
-
Инспекцијата влезе во Општина Кочани, расте бројот на притворени