Тропската бура „Метју“ над Карипско Море прерасна во ураган
Тропската бура „Метју" вчера, над Карипско Море, ја доби силата на ураган од прва категорија (на петстепената Сафир-Симпсонова скала).
Како што информира Националниот центар за набљудување на урагани од Мајами, брзината на ветрот надмина 120 километри на час. Во моментов ураганот се движи на запад со брзина од 27 километри на час, пренесе ТАСС.
„Минувањето на „Метју“ во следните денови ќе предизвика големи бранови на бреговите на Порто Рико, Хаити, Доминиканска република, Аруба, Бонеира, Курасао, Колумбија и Венецуела“, соопшти центарот.
Според овие прогнози во следните 48 часа се очекува „Метју“ да добие уште поголема сила. Над централниот дел на Карипско Море е можно ураганот да ја смени својата насока и да се упати кон Куба.
Во оваа сезона на урагани над Атлантскиот Океан, што почна на 1 јуни, досега се формираа 13 тропски бури, од кои пет се прераснаа во урагани: „Алекс“, „Ерл“, „Гастон“, „Ермин“ и „Метју“. Во нив имаше вкупно над 60 жртви, од кои 49 загинаа во Мексико од ураганот „Ел“.
Ново на Сител
-
EУ почна преговори со Украина и Молдавија
-
Teма на денот со Зоран Јовановски
-
EУ почна преговори со Украина и Молдавија
-
Прва инвестиција на новата Влада вредна 500 милиони долари
-
Почна расправа за струјата
-
Од министерска во директорска фотелја – Фатмир Меџити е нов директор на Клиниката за неврологија
-
Клиниките во Скопје и Штип ќе ги лечиме на арбитража во Париз
-
На секоја втора фирма лани и било барано мито, сумите одат и до 100 илјади евра