Турција го потпиша договорот за втората испорака на руски С-400

Со Турција е потпишан договор за испорака на втората серија од рускиот противракетен систем С-400, а двете страни во моментов преговараат за финансиските услови, потврди генералниот директор на руската компанија „Рособоронекспорт“, Александар Михајев, пренесува Тасс.

Турција минатата година ја купи првата серија руски ракетни системи, што доведе до тоа Вашингтон да ја суспендира оваа земја од американската програма за борбени млазни авиони Ф-35.

Официјални претставници на САД велат дека Турција ризикува санкции од САД доколку го користат ракетниот систем С-400, пренесуваат британските медиуми.