Турција ја блокира посетата на германскиот заменик-министер за одбрана на Инџирлик
Турција ги блокира плановите на заменик-министерот за одбрана на Германија, Ралф Браукзипе да ја посети воздухопловната база Инџирлик во јули, соопшти денеска портпаролот на германското Министерство за одбрана.
Германија има околу 250 војници стационирани во Инџирлик, како и шест авиони „Торнадо“ и едно летало за надополнување на гориво, кои учествуваат во воздушната кампања предводена од САД против Исламска држава во Ирак и во Сирија.
- Турските претставници во моментот не ги одобруваат плановите за посетата, истакна портпаролот на германското МО.
Браукзипе со уште неколку германски пратеници планираше да ја посети базата Инџирлик во јули.
Турските власти одбија да ги коментираат наводите.
Односите меѓу Германија и Турција се заострија откако Бундестагот усвои резолуција со која турскиот масакр над Ерменците во 1915 е прогласен за геноцид.
Ново на Сител
-
Советот на Европа со нова критика до Бугарија – Нема свест за правата на малцинствата
-
Владата, синдикатите и работодавачите седнаа на заедничка маса
-
Познати компании го изигрувале Законот за поврат на ДДВ
-
Стручното образование ќе се крои по теркот на потребите на бизнисот
-
До понеделник ќе се знае дали има лекарски пропусти кај починатата родилка во Куманово и бебето на Детска
-
И Македонија и Србија бараат помош од ЕУ за справување со илегалната миграција
-
Ураганот Милтон ја погоди Флорида - 2 жртви и милиони без струја
-
Минчев: Да не се брза со Закон за правична застапеност, потребно е трајно решение