Турција: Новиот трансфер на мигранти одложен поради Грција

Следниот трансфер на мигранти од Грција во Турција, согласно договорот меѓу ЕУ и Анкара, одложен е за крајот на седмицата на барање на официјална Атина, соопшти турски функционер, кој побара да не биде именуван, пренесува Танјуг.

- Трансферот е одложен од среда за петок. Грција не можеше да ги испрати тие луѓе. Овде се е подготвено, но добивме порака од грчката страна, вели тој.

Грчката Влада претходно призна дека процедурата за трансфер на мигранти е забавена поради зголемување на бројот на барања за азил на мигрантите на грчките острови Хиос и Лезбос.