Турција станува главен донатор на Војската на Црна Гора
Турското Министерство за одбрана ќе стане главен донатор на Војската на Црна Гора (ВЦГ) со 16 милиони евра во наредните пет години, а средствата се наменети за производство на теренски возила за потребите на црногорската армија и едукација на персоналот во турскиот воен школски систем.
Според порталот Балканска безбедносна мрежа (www.balkansec.net), околу 15,5 милиони евра ќе бидат искористени за производство на теренски возила, а нешто повеќе од половина милион се наменети за финансирање на образованието на црногорскиот персонал во Турција.
„Преку донацијата на ВЦГ, Турција истовремено го зајакнува своето присуство на Балканот и испраќа политичка и безбедносна порака за престиж и добра волја, а воедно од буџетот помага и на турската индустрија“, се вели во написот на порталот.
Помош за воено образование е новина, и во оваа учебна година, првпат питомец од Црна Гора замина на школување во турската Воена академија во Анкара. Предвидено е тој да учи турски јазик првата година, а потоа четири години ќе студира на академијата заедно со неговите турски колеги.
Ново на Сител
-
Борисов бара оставка од Николовски или крај на разговорите со Македонија
-
Албанските партии нема да седат мирни по укинувањето на балансерот, се најавуваат закони за правична застапеност
-
Пациент почина на Инфективна поради компликации од западно-нилска треска
-
Дефицитот од докторски кадар во ЈЗУ ќе се надоместува со приватни специјализанти
-
СДСМ: Тошковски го ослободил бодигардот на Мицкоски кој тепаше полицаец
-
ВМРО-ДПМНЕ: Николовски потрошил близу 1 милион денари во ресторани
-
Невладините бараат измени на Законот за младински политики
-
ОПМ: Мерката за ограничување на маржите е корисна