У-17: Македонија отпадна од Елитниот квалификациски турнир

Фудбалската репрезентација на Македонија до 17 години не успеа да избори пласман во Елитната рунда квалификации за ЕП откако денеска Ерменија успеа да го совлада Исланд со 3-2 и само поради постигнат гол повеќе од Македонија да се најде во кругот од 4 најдобри третопласирани селекции заедно со Белгија, Чешка и Црна Гора . Овие селекции ќе разигруваат понатаму заедно со селекциите кои ги освоија првите две места во групите.

Исланд кој претходно ги загуби шансите во 12-група требаше да освои барем бод или да загуби минимално со 1-0 за да Македонија продолжи понатаму.

Се поставува прашањето зошто УЕФА дозволи оваа група да игра вон календарот во кој се одиграа натпреварите во останатите 12 групи што отвори можност за манипулации во последното коло од 12- група.