Уапсен познат криминалец во Гостивар

Полицијата во Гостивар уапси познат криминалец, се брал за кражба во познат ресторан. Како што стои во билтенот на МВР,  утринава  околу 03.30 часот полициски службеници од Полициска станица Гостивар го лишиле од слобода Н.И.(34) од гостиварското село Дебреше, кој претходно со употреба на сила влегол во угостителски објект на улица „Никола Парапунов“ во Гостивар. Н.И. влегол во објектот и од фиока во работната маса одзел пари, а кога ги забележал полициските службеници почнал да бега, но набргу бил фатен. Тој бил лишен од слобода и задржан во Полициската станица Гостивар за целосно расчистување на случајот.