Убиен е еден од лидерите на опозицијата во Венецуела
Еден од лидерите на опозициската Демократска акциона партија (ДАП) Луис Мануел Диас е убиен за време на вчерашниот предизборен собир, пред одржувањето на изборите за Конгрес во Венцуела најавени за наредната недела, соопшти денеска партијата.
Според изјавата на лидерот на ДАП Карлос Проспери, истрелите се слушнале во центарот на венецуелскиот град Алтаграсија де Оритуко за време на растурање на собирот, кога лидерот во тој град е погоден, пренесуваат венецуелските медиуми.
На собирот присуствувала и Лилиан Тинотри, сопруга на Леополд Лопес уште еден опозициски лидер кој е моментално во затвор, изјави еден од претставниците на ДАП.
Тинотри е една од најпознатите лица, меѓу луѓето кои се противат на социјалистичката венецуелска влада.
На својот Твитер профил, таа напишала дека во Алтаграсија де Оритоко се случил терор.
Опозицијата соопшти дека неколкумина активисти се повредени во поседните неколку дена, во време кога симпатизерите на владата ги растурале опозициските собири.
Социјалистичката партија негира дека се обидува да ги исплаши опозиционерите со насилство и истакнува дека обвиненијата на опозицијата се лудост за нивните протицници.
Ново на Сител
-
Фестивалот за народни песни и инструменти викендов во Прилеп и Долнени
-
Матураните со понизок успех од лани - Просечна оценка 3,25 на државната матура
-
Таравари и Клековски во посета на Клиниката за онкологија - Нови вработувања и отворање на нови амбуланти
-
Советот на јавни обвинители против предлогот на премиерот Мицкоски за распуштање
-
Приватните превозници попладне ќе носат одлука дали од утре воопшто ќе возат
-
Преглед на вестите од светот
-
Матните настани за корупција, институциите да ги сфаќаат сериозно
-
Тема на денот со Весна Јаневска, министер за образование