-->
-->
Ученици од европски држави во посета на кумановското училиште „Сами Фрашери“
-->
Триесетина ученици и 13 професори од Германија, Белгија, Франција, Шведска,Унгарија, Шпанија и Италија, преку проектот Еразмус плус се во седумдневна посета на ученици и професори од средното училиште „Сами Фрашери“ од Куманово.
Во тел на посетата учениците ќе соработуваат на повеќе нивоа, ќе работат на формирање виртуелна компанија и ќе имаат можност преку работилници и предавања да гразвиваат претприемнички вештини.
Градоначалникот на општина Куманово, Зоран Дамјановски денеска организираше прием за учениците и професорите од европските држави. Во посета на училиштето престојуваше и евроамбасадорот Семуел Жбогар.
- Горд сум што денеска толку многу млади луѓе се гости на Куманово, како домаќини денеска ќе организираме прошетка. Учениците ќе останат до петок, ќе имаат можност да разменат искуство и ќе соработуваат, на некој начин тие пријателства можеби ќе дадат повод за натамошните активности и продлабочување на соработка со сите овие земји, изјави Дамјановски.
Посетата на Куманово е завршната сесија од тригодишниот проект, финанасиран од Европска унија. Во изминатиот период, информираа надлежните од училиштето „Сами Фрашери“ биле реализирани мултилатерални посети и учениците и професорите од кумановското училиште, кoи престојувале во работна посета на училиштата во Германија, Белгија, Франција, Шведска, Унгарија, Шпанија, и Италија. Целта на проектот е младите да се стекнат со работни вештини и веднаш да се вклучат на пазарот на трудот, објасни Африм Алити, координатор на проектот и професор по англиски јазик во „Сами Фрашери“.
Освен што ќе имаат можност да разменат искуства и да се стекнат со работни вештини, учениците ќе имаат можност да се запознаат со културно-историските споменици во околината на Куманово, Скопје, Тетово, како и да посетат компании.
-->
-->
-->
Ново на Сител
-
Христијани го празнуваат Велики петок, денот на Христовото распнување
-
Охрид подготвен за туристите за Велигден
-
Преглед на вестите од светот
-
Културните работници ќе останат без плата за Велигден
-
Teма на денот со Јорданчо Ефтимов
-
Почина 24 годишен пациент кој беше на лекување во ВМА – 62 жртва на пожарот во Кочани
-
Почина 24 годишен пациент кој беше на лекување во ВМА – 62 жртва на пожарот во Кочани
-
Бектеши останува во 30 дневен притвор – Папазов оди дома