Учениците од СУГС „Лазар Танев“ меѓу најдобрите во Европа

Голем успех на учениците од средното угостителско-туристичко училиште на Град Скопје „Лазар Танев“ на два натпревари одржани изминатата недела во Болоња, каде освоија 4. место на натпреварот за бармени од вкупно 78 натпреварувачи од 17 земји од Европа и 5. место на ено-гастрономскиот натпревар од вкупно 42 штандови од Италија и 16 други земји од Европа.

Ученикот Христијан Николовски на натпреварот за бармени во Болоња во најсилна конкуренција до 19 години со својот коктел освои 4. место.

Жирито на ено-гастрономскиот натпревар, како што се наведува во соопштението на Град Скопје, го рангира на високото 5. место  штандот на СУГС „Лазар Танев", а македонската традиција, култура и ено-гастрономија беше претставена пред повеќе од 30.000 посетители во Болоња.