УЧК и се заканува на Србија, графит со страшна порака осамна во Прокупље

На скалите кај железничкиот мост во центарот на Прокупље во саботата попладне се појави графит кој укажува на закани од Албанците и ги збуни жителите на овој град. За сега не се знае кој го напишал, но предизвика бурни реакции.

Тој е напишан со црн автолак преку целите скали, кои ги користат работниците од центарот на градот кога доаѓаат до болницата, или на работа во една од фирмите во тој дел од градот.

-Утрово кога поминував по овој пат немаше ништо, а попладнето кога се враќав од работа го видов. Сигурен сум дека во прашање е закана, вели еден жител за графитот.

Прокупље е прва поголема средина меѓу Ниш и Подујево и низ оваа општина минуваат товарни возови и сите возила кои одат кон админстративниот премин Мердаре кој ги поврзува Косово со Србија.