Угандијка на 37-годишна возраст има 38 деца

Жена од Уганда на возраст од 37 години има 38 деца, меѓу кои четири тројки, три четворки и близнаци, наведуваат локални политичари.

Мариам Набатанзи од селото Кабимбири, кое се наоѓа на 50 км северозападно од Кампала, ги добила сите деца со еден сопруг кој е полигамист.

- Децата се на возраст меѓу четири месеци и 23 години, изјави локалниот советник Самари Мусенро за ДПА. Десет деца се женски, а другите се машки.

Локалните политичари побарале помош од Владата за жената која се омажила кога имала 12 години и првпат родила на 14-годишна возраст, и тоа близнаци. Нејзиниот татко има 45 деца со неколку жени.