Украина започна евакуација на населението од северниот регион Суми на границата со Русија

Украинските власти започнаа евакуација на селата во северниот регион Суми што се граничи со Русија поради долготрајните силни руски гранатирања во областа, соопштија локалните власти.

Подрачната воена управа на социјалната мрежа „Телеграм“ напиша дека во последните три дена од подрачјето на пограничната општина Великописарска се евакуирани повеќе од 180 жители, пренесува БТА.

Властите во Суми соопштија дека руските гранатирања во изминатите денови се интензивирани.

Ситуацијата е „најтензична“ во областите каде што се врши евакуацијата, бидејќи во последните пет дена загинале три лица, а 13 се повредени. Досега, вкупно над 4.

500 луѓе се евакуирани од 22 села во регионот Суми.

Великописарска се наоѓа на неколку километри од селото Козинка, преку границата со Русија, каде што локалните власти на почетокот на неделава соопштија дека е предизвикана сериозна штета по упадот на вооружени групи од Украина на руска територија.

Припадниците на вооружените групи тврдат дека се Руси кои се противат на Кремљ.