„Underground Evergreens“ - нов албум на „Суперхикс“

Македонската ска и панк група „Суперхикс“ денеска во Скопје ќе го промовира новиот албум насловен „Underground Evergreens“ со што ќе одбележи 23 години од постоењето.

Албумот е снимен, миксуван и мастериран од Мите Димовски, Тра Ла Ла Студио-Скопје, а мал дел е сниман и во студиото на Ивица Јанкуловски. Дизајнот на обвивката е дело на дизајнерот Томи Џуровски.

Албумот е во ЦД формат, а наскоро ќе биде изработено и негово винил издание. Промоцијата ќе биде во продавницата Југотон во ГТЦ со почеток во 13 часот.

„Суперхикс“ го имаа својот прв настап на 3 март 1994 година.