УНИЦЕФ и Здружението на лекари по општа медицина ќе соработуваат за рано откривање на попреченост кај децата
УНИЦЕФ почна со соработка со Здружението на лекари по општа медицина и семејна медицина за да се зајакнат капацитетите на лекарите по општа медицина и специјалистите по семејна медицина за рано откривање и интервенција на попреченост кај децата.
Во текот на соработката УНИЦЕФ, соопштија оттаму, ќе обезбеди поддршка за изготвување едукативен материјал и спроведување обука на лекари по општа медицина и специјалисти по семејна медицина кои во текот на наредните две години ќе го пренесат знаењето на своите колеги во примарната здравствена заштита.
Раното откривање тешкотии во развојот кај децата е клучно за да се обезбеди навремено дијагностицирање и децата да добијат навремена поддршка со што ќе се намалат долгорочните последици врз нивниот развој. Примарната здравствена заштита претставува почетна точка за откривање знаци на попреченост кај децата, а лекарите по општа медицина и специјалистите по семејна медицина се во најдобра позиција да обезбедат пристап на децата со попреченост до соодветни услуги, посочуваат од УНИЦЕФ.
Истакнуваат дека со соработката со Здружението на лекари по општа медицина и семејна медицина продолжува нивната посветеност на обезбедување образование, здравствена грижа и социјална поддршка на децата со попреченост особено во првите години од животот.
Ново на Сител
-
Управен суд ја запре постапката за жалбата на коалицијата Вреди
-
Тема на денот со Јанаки Митровски, адвокат
-
Се крои владината коалиција со Вреди - ВМРО-ДПМНЕ веќе сама обезбеди 61 пратеник
-
Мицкоски во јавните настапи ќе користи „Македонија“ и „македонски“
-
Управен суд ја запре постапката за жалбата на коалицијата Вреди
-
Поради недоаѓање на сведоците одложено рочиштето за Пендиков
-
Корупцијата и неефикасната администрација - најголем проблем за германските инвеститори
-
Палчо ја помина првата вечер во притвор во „Шутка'', од неговата партија бараат биохемиска анализа на оброците