Универзитетска клиника за радиотерапија и онкологија: По осум години ставен е во функција линеарниот акцелератор

Акцелераторот на Универзитетска клиника за радиотерапија и онкологија, набавен пред осум години сега веќе е монтиран и во употреба на располагање за пациентите, информираат од Клиниката.

Оттаму додаваат дека низа подготвителни активности претходеле на ставањето во функција на овој акцелератор, вклучително и комплетна реконструкција на бункерот. Набавена била нова дополнителна опрема, стабилизатори на напон, купена нова имобилизациска опрема, а направено било и комисионирање на апаратот. Купен е мебел, инсталирани се системи за мониторирање на пациенти, завршено се сите фазите на инсталација на системот, мерења, калибрација и пуштање во употреба.

-Со инсталација на овој акцелератор, на располагање оваа клиника ќе има 4 линеарни акцелератори кои ќе бидат наменети за потребите на онколошките пациенти. Исто така, со овој апарат согласно планот планирано е воведување нова метода, SRS радиотерапијата со што ќе се покрие и овој сегментот од радиотерапискиот третман, се вели во соопштението од Клиниката за радиотерапија и онкологија. 

Ова е метода за која пациентите се упатуваат во странство, а по воведување на методата за пациентите таа ќе биде достапна на Клиниката.

Од оваа Клиника нагласуваат дека во моментот сите пациенти добиваат квалитетна радиотерапија согласно на стандардите на европските земји.

Со оваа ставање на функција на оваа опрема, додаваат, значително се зајакнува капацитетот на УК за радиотерапија и онкологија и се намалуваат листите на чекање за радиотерапија.