УНРВА: Во Газа има брашно за само уште шест дена
Агенцијата на Обединетите нации за помош на палестинските бегалци на Блискиот Исток (УНРВА) денеска предупреди дека во Газа има брашно за само уште шест дена.
„Можеме тоа да го продолжиме со намалување на количината што им ја даваме на луѓето, но зборуваме за денови, а не за недели. Ситуацијата во Газа е сериозно загрижувачка“, изјави Сем Роуз од УНРВА за новинарите во Женева, говорејќи од централна Газа.
Тој рече дека шест од 25-те пекари поддржани од Светската програма за храна морало да се затворат, а се повеќе луѓе се собираат на улиците пред пекарите. Ова е најдолгиот период од почетокот на конфликтот во октомври 2023 година во кој никаква помош не е влезена во Газа, истакнуваат од ОН.
Израел на почетокот на месецов го блокираше влезот на стоки на територијата во рамки на застојот околу примирјето, што ги прекина борбите во последните седум недели.
Таа одлука доведе до повисоки цени за основните намирници и гориво, принудувајќи многу луѓе да ја ограничат количината на храна што ја консумираат.
Ново на Сител
-
Рубио: Русија се согласува на прекин на огнот, но поставува услови
-
Уште еден американски осуденик побара смртната казна да биде извршена со стрелање
-
Хамас: Се интензивираат разговорите со посредниците за прекин на огнот во Појасот Газа
-
Џеј Ди Венс пристигна на Гренланд, ги посети американските војници во базата Питуфик
-
Сиљановска Давкова се сретна со адмирал Стјуарт Манч, командант на Здружената команда на НАТО во Неапол
-
Макрон го осуди израелскиот напад врз Бејрут
-
Конститутивна седница на Националниот комитет за спречување на насилен екстремизам и борба против тероризам
-
Билд: Путин се подготвува за голема војна со НАТО