Уште 30 дена неплатените сметки за вода може да се платат на рати и без камата
ЈП „Водовод и канализација“ – Скопје ги известува граѓаните дека акцијата за наплата на долговите на рати и без камата е во тек.
Акцијата за наплата на долговите на рати без камата за физички и правни лица, која почна на 17 јуни 2020, завршува на 31 јули 2020 година.
ЈП „Водовод и канализација“ ги повикува сите корисници кои имаат заостанат долг во овој период да аплицираат за склучување на договори за исплата на долговите на најмногу 24 рати, во зависност од висината на долгот, без камата за задоцнето плаќање и дека по истекот на овој период, одлуката престанува да важи.
– Имајќи ја предвид ситуацијата со корона вирусот, заради заштита на сопственото здравје и здравјето на другите, како и превенција од ширење на вирусот, повикуваме на разбирање и почитување на сите протоколи кои ќе се спроведуваат од страна на ЈП Водовод и канализација – Скопје при посетите на претпријатието од страна на корисниците за склучување на договорите. Истовремено, повикуваме и на почитување на мерките на претпазливост и заштита одредени од Министерството за здравство и Владата – задолжително носење на маски, одржување на растојание од 2 метри и дезинфекција на рацете, посочуваат од ЈП „Водовод и канализација“ – Скопје.
За сите дополнителни информации, граѓаните ќе можат да се обратат на:
– 02 3073 010, Дежурно Информативен Центар;
– 02 3240 300, Дирекција – kontakt@vodovod-skopje.com.mk
– www.vodovod-skopje.com.mk – www.facebook.com/jpvodovod.
Ново на Сител
-
Македонката Наташа Соврановски која исчезна во Германија е пронајдена мртва
-
АХВ: Спроведени вонредни контроли и во Кавадарци
-
Честитка од претседателката Сиљановска Давкова по повод Денот на Бошњаците
-
Лавров: Блискиот Исток е на работ на тотална војна
-
Знаци што телото ги праќа ако се внесува премногу додаден шеќер
-
Австралијката МекКион постави светски рекорд на 100 метри грбно
-
Трет пораз на Еурофарм Пелистер во Лигата на шампиони
-
Стапува во сила Законот за нефер трговски практики, се очекува намалување на цените на околу 2.500 производи