Уште една авионска несреќа: Боинг со 154 патници падна при самото полетувањето

Петнаесет лица се повредени откако авион излетал од пистата за време на полетувањето на аеродромот во западна Индија.

Сите 154 патници и 7 членови на екипажот  биле итно евакуирани од Боингот 737 кој требало да лета за Мумбаи, а по несреќата завршил на локалниот автопат.

Еден од патниците ја опиша страшната несреќа велејќи дека авионот се мачел да полета но тоа било безуспешно, а неколку минути подоцна забележал црн чад и запонала целата паника во авионот.

Во авионот имало и бремена жена, а сите повредени патници се здобиле само со исекотини, модринки и скршеници на телото, пренесуваат тамошните медиуми.

Компанијата несреќата ја потврди преку соопштение во кое наведе дека причини за несреќата се технички проблеми на авионот.