Уште една оставка во Стејт департментот
Третиот по ранг дипломат во Стејт департментот, потсекретар за политички прашања Томас Шенон поднесе оставка по речиси 35 години служба, со што им се придружи на низата колеги кои се одлучија на таков чекор по доаѓањето на власт на претседателот Доналд Трамп.
- Мојата одлука е од лична природа, донесена поради желбата да поминат време со семејството, да размислам за својот живот и да поставам нова насока, посочи Шенон.
Државниот секратар Рекс Тилерсон побара Шенон да не поднесува оставка, истакнувајќи оти неговото заминување ќе биде загуба.
- Триесет и пет години искуство не е нешто што може да се надомести преку ноќ, посочи Тилерсон.
Оставката на Шенон најверојатно ќе ги обнови критиките дека Трамп и Тилерсон ја уништуваат дипломатската служба.
Потсекретарот за јавна дипломатија Стивен Голдстин демантираше дека оставката на Шенон е поврзана со незадоволството поради намалувањето на буџетот и реорганизацијата во Стејт департментот, во кој не се пополнети 13 места за помошници секретари и потсекретари, како и десетина амбасадорски места.
Шенон беше дипломат во мандатот на шест претседатели на САД.
Ново на Сител
-
Приведени две лица, претрес во Штип, пронајдена дрога
-
Приведени двајца кавадарчани поради семејно насилство
-
АСО: Граѓани наплатија над седум милиони евра од осигурување живот за пет месеци
-
Приведен 28-годишник од Тетовско баран по централна потерница
-
ДЗР: Одржувањето на магистралните и регионалните патишта во опасност поради сериозните финансиски предизвици на ЈП
-
Делови на Грција денеска се очекува да бидат зафатени од силно невреме
-
Честитка од Сиљановска-Давкова до американскиот претседател Бајден по повод Денот на независноста на САД
-
Сиљановска-Давкова на состанок со началникот на ГШ и министерот за одбрана