Утре почнува запишувањето ученици во средно образование
Во јавните средни училишта во Македонија утре и задутре (28-ми и 29 јуни) е првото пријавување и запишување на учениците во прва година во учебната 2017/2018 година во јунскиот упиен рок. Резултатите од запишувањето и слободните места ќе бидат објавени на 30 јуни.
Квалификациското тестирање ќе се организира во училиштата за средно образование на 3 јули, а резултатите ќе бидат објавени на 4 јули.
Документите потребни за пријавување и критериумите и условите се содржани во Конкурсот кој Министерството за образование и наука го објави на крајот на март и е поставен на неговата веб-страница (www.mon.gov.mk).
Второто пријавување од јунскиот уписен рок и запишување на учениците ќе се врши на 5 јули, а резултатите од запишувањето и слободните места ќе бидат објавени на 6 јули.
Пријавувањето и запишувањето на учениците во августовскиот рок ќе биде на 24 август, а резултатите од запишувањето на учениците и слободните места ќе бидат објавени на 25 август.
Училиштата кои во двата уписни рока нема да ги пополнат утврдените ученички места за запишување ќе продолжат со запишување ученици до 31 август 2017.
Поради укинувањето на екстерното тестирање, направени се измени во објавениот Конкурс во кој се избришани условите поврзани со резултатите од екстерното проверување на постигнувањето на успехот на ученикот.
Ново на Сител
-
Одземени возила што биле користени во „диви“ трки во Скопје
-
МЗ: Ги следиме потребите на населението во Кочани, на терен зајакнати медицински тимови
-
Пронајдени околу 10.000 парчиња пиротехника на Бит Пазар, лишено од слобода едно лице
-
Седум лица повредени во пожарот во Кочани се транспортираат во Шпанија
-
Престрелка во Скопје, едно лице застрелано
-
Уште три лица од пожарот во Кочани ќе се лекуваат во Турција
-
Српското Независно здружение на новинари побара локалните медиуми да ги избришат фотографиите и снимките од погребот во Кочани
-
ССНМ го осудува неетичкото известување на дел од медиумите од денешните погреби на жртвите од трагедијата во Кочани