Утрово во Косово мирно, КФОР ја следи ситуацијата
Во северниот дел на Косово утрово е мирно, а полицијата со возила ги блокира приодите кон зградите на општините Звечан, Зубин Поток и Лепосавиќ, јави Бета.
На административните премини Јариње и Брњак утрово нема блокади, гужви и застои, а патничкиот и товарниот сообраќај се одвива без проблеми, јави РТС. Синоќа имало гужва поради граѓаните од Косово кои се враќале од Белград од митингот „Србија на надежта“.
Мисијата на КФОР ги осуди „сите еднострани дејствија што ризикуваат понатамошна ескалација на тензиите“ во Косово.
„Наш прв приоритет останува осигурување безбедна средина, во согласност со нашиот мандат“, објави синоќа мисијата на Твитер.
Во соопштението на Кфор се додава дека тие „внимателно“ ја следат ситуацијата на северот на Косово.
Во судирите со косовската полиција вчера беа повредени неколку десетици лица кои го спречуваа влегувањето на новите претседатели на општините Звечан, Лепосавиќ и Зубин Поток во општинските згради.
Интервенцијата на Приштина на северот на Косово ја осудија мисиите на КФОР и ЕУЛЕКС, а американскиот државен секретар Ентони Блинкен, амбасадорите на САД во Белград и Приштина, комесарот за проширување на Европската унија, ги повикаа косовските власти веднаш да ги прекинат овие акции, пишува Бета.
Ново на Сител
-
Обид за убиство во Аеродром: Избоден скопјанец, еден од сторителите во бегство
-
Се скарале па го турнал по скали
-
Маж пронајден починат на паркинг во Центар, телото предадено на обдукција
-
Почина работник откако врз него паднал бетонски столб
-
Со скалпел го исекол на вратот и увото, обид за убиство на малолетник во тетовско
-
Вучевиќ: Во септември 2025 година првата класа на Војската на Србија од редовниот регрутен состав
-
Телото на Хасан Насрала е пронајдено, соопштија лекар и припадник на безбедносните сили
-
Во Кичево приведен бегалец од затвор, спроведен е за доиздржување на казната