Валандово ја одложи одлуката за референдум за рудниците во Казандол и Башибос
Со осум гласови за од вкупно 15, Советот на општина Валандово доцна ноќеска само ја поддржа иницијативата на подносителот на барањето за собирање потписи, но ја одложи за уште најмалку три дена одлуката за референдумско изјаснување на граѓаните по прашањето „дали се за или против работењето на рудниците во Казандол и Башибос“.
Ваквата одлука валандовскиот Совет ја донесе поради потребата од консултации на претседателот на Советот со Закононодавно-правната комисија за правната издржаност на одлуката.
Кај подносителите на барањето за референдум, одлуката е примена со сомнеж од причина што по три дена истекува и мандатот на градоначалникот и советниците поради што сметаат дека оваа локална власт си купила време да не се изјаснува по барањето за реферндум.
Во југоистокот на државата актуелно е референдумското изјаснување на граѓаните за или против отворање рудници. Гевгеличани веќе се изјаснија против, вчера советниците на општина Дојран донесоа одлука референдум да се одржи на 18-ти јуни, во Богданци претходно беше одлучено референдум да се одржи на 11 јуни, а неизвесноста продолжува само во општина Валандово.
Ново на Сител
-
Промоција на нов електронски дневник за работа на училиштата
-
ХРТ: Се е подготвено за воведување задолжителен воен рок
-
Американскиот суд го ослободи Асанж по спогодбата за признавање вина
-
Русија и Украина разменија по 90 затвореници
-
Претпладне сончево, попладне пороен дожд, грмежи и силен ветер
-
Изменет сообраќаен режим на булеварот „Србија“ поради снимање филм
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047