Вандали ги кршат кантите за смет на повеќе локации во Штип
Кантите и корпите за отпадоци веќе неколку дена на повеќе локации во Штип се кршат или се буткаат во коритата на реките Отиња и Брегалница.
Раководителот на работна единица Комунална хигиена при ЈП „Исар“-Штип, Љупчо Панајотов вели дека ова е вандализам, а денешниов случај го пријавиле и во полиција, со цел да се откријат сторителите.
- Двапати на локацијата кај црквата „Свети Никола“ имаме буткање на контејнер во коритото на реката Отиња. Не знаме кој е мотивот и тоа не е добро, бидејќи се работи за контејнер кој служи на граѓаните и за кој се трошени народни пари. Имаме и буткање на кошчиња во реката Отиња, потоа кај локација „Туш“ и кај бањата „Кежовица“ се буткаат и кршат во реката Брегалница, вели Панајотов.
Штипското комунално претпријатие пред неколку месеци реагираше и на ванадализмот на канделабрите на пешачката патека кај реката Брегалница. Но, засега сторителите не се откриени од страна на полицијата или од обезбедувањето на комуналното претпријатие „Исар“.
Ново на Сител
-
На ГП Табановце за влез и излез од државата се чека по околу половина час
-
Зеќирија Ибрахими е нов претседател на Алтернатива избран на вонредниот конгрес во Куманово
-
Кратово блесна во полн сјај на првата фестивалска вечер од ЗЛАТНИ ДЕНОВИ КРАТОВО 2024 | ФОТО
-
МВР го барала да го уапси, а тој пробал да лета преку аеродромот во Скопје
-
Повреден германски параглајдерист - Летал над Крушево
-
ДКСК: Го следиме именувањето на в.д. директори во државните институции, ќе реагираме ако има неправилности
-
Даути избрана за генерален, а Јајага за организациски секретар на АА
-
Следува период на многу топло време со температури до 40 степени