Вардарци отпатуваа за Шпанија

Македонскиот шампион Вардар утринава отпатува за Сан Себастијан, каде што утре ќе го игра четвртото коло од групната фаза од Лигата на Европа против екипата на Реал Сосиедад. 

 

Со овој натпревар ќе стартува вториот дел од групната фаза од Лигата на Европа. Во првиот дел Вардарци не освоија бодови, со надеж дека тоа ќе го сторат на последните три натпревари во групата „Л“. 

 

Вардаровата експедиција некаде околу пладне ќе пристигне во Сан Себастијан. Во 18:30 „црвено-црните“ ќе одржат прес конференција, а во 19 часот ќе биде официјалниот тренинг на стадионот „Аноета“ каде што ќе се игра натпреварот.