Вашингтон повика на итно ослободување на Алексеј Навални
САД се длабоко загрижени поради растечкото самоволие што руската влада го презема во однос на правата на опозицискиот лидер Алексеј Навални, се вели во изјавата на портпаролот на американскиот Стејт департмент Нед Прајс објавена вчера на веб-страницата на Стејт департментот.
Властите ја попречуваат подготовката на одбраната на Навални и не му дозволуваат слободно да комуницира со своите адвокати. Опструкцијата се состои од следење на состаноците и одложување на размената на документи меѓу Навални и неговите адвокати, се вели во соопштението на Стејт департментот.
Ова мешање, заедно со неговите повторени притвори за наводни прекршоци што ги направил, е уште еден доказ дека ова е политички мотивирано вознемирување, се вели во соопштението.
– Апсењето на Навални по неговото враќање во Русија само по себе беше срамно, но последователното малтретирање на кое беше подложен само ја покажува несигурноста на руската влада и стравот што таа го има од луѓето што ја зборуваат вистината, нагласи Прајс.
– Уште еднаш се придружуваме на повиците на семејството на Навални, колегите и поддржувачите во светот за негово итно ослободување, се вели во изјавата на Стејт департментот.
Ново на Сител
-
Бајден изјави дека САД работат на тоа да им се овозможи на раселените жители од северен Израел да се вратат дома
-
Шефот на ИДФ вети дека војската ќе стигне до секој што им се заканува на израелските цивили
-
Николоски на средби со министри за транспорт на ЕУ ја презентираше инвестициската програма на Владата
-
Тошковски: Се надевам дека ќе нема настани кои ќе подгреваат тензии, ако има соодветно ќе одговориме
-
Тошковски: Фокусирани сме на функционален систем за следење на сообраќајот со камери
-
Жена физички нападнала вработен во општина Кочани
-
Гостиварец се заканувал на сопругата, на нејзината мајка и на ќерката
-
Маж се соблекувал пред малолетници