Вечерно училиште во Кисела Вода
Општина Кисела Вода во соработка со Основното училиште за возрасни „Антон Семјонович-Макаренко” организира вечерна настава за лицата кои поради определени причини го прекинале образованието или воопшто не се образувале.
- Преку Секторот за локален економски развој на општина Кисела Вода, во следната учебна година ќе биде реализирана програма која ќе овозможи описменување и дооформување на образованието. Наставата, која ќе биде комплетно бесплатна, ќе се одвива во вечерните часови во училиштата на територија на општина Кисела Вода. Бесплатни ќе бидат и книгите и училишниот прибор што е неопходен за одвивање на наставата, информираат од општина Кисела Вода.
Оттаму посочуваат дека во моментов се во тек уписите за оформување на образовните групи.
- Лицата кои се заинтересирани за дооформување на образованието потребно е до Основното училиште за возрасни “Антон Семјонович-Макаренко”, до општина Кисела Вода или до месните заедници на ниво на општината, да достават извод од матична книга на родените, лична карта, свидетелство за последно завршено одделение, а за лицата помлади од 15 години е потребно мислење од стручно лице, истакнуваат од локалната самоуправа и додаваат дека наставата ќе започне на 1 септември, годинава.
Ново на Сител
-
Мицкоски во јавните настапи ќе користи „Македонија“ и „македонски“
-
Управен суд ја запре постапката за жалбата на коалицијата Вреди
-
Поради недоаѓање на сведоците одложено рочиштето за Пендиков
-
Корупцијата и неефикасната администрација - најголем проблем за германските инвеститори
-
Палчо ја помина првата вечер во притвор во „Шутка'', од неговата партија бараат биохемиска анализа на оброците
-
Први преговори ВМРО-ДПМНЕ - ВЛЕН
-
Мицкоски: Во изјавите ќе го користиме терминот Македонија
-
Мицотакис: Не ги потпишуваме договорите од Преспа, тие се наше оружје