Вечерва кочан ладно, еве со какво време ќе ја дочекаме Новата година

Во Македонија во утринските часови ќе има појава на умерен мраз поради ниските утрински температури кои ќе се спуштат до -11 односно до -3 степени. Во текот на денот ќе биде претежно сончево, ветровито и студено. Ќе дува доумерен северозападен и североисточен ветер. Максималните дневни температуи  во поголем дел од градовите ќе се задржат во негатива и ќе се движат од -5 до 5 степени.

 

Во вечерните часови и во текот на новогодишната ноќ, повторно голем пад на температурите и појава на умерен мраз.

 

Во Скопје во четврток студено утро со утринска температура која ќе се спушти до -7 степени. Во текот на денот претежно сончево, ветровито и студено. Максималната дневна температура до 1 степен.

 

Првиот ден во новата година ќе се разбудиме во ледено утро со многу ниски утрински температури кои ќе се движат од -14 до -5 степени. Во текот на денот сончево и дневна температура од -4 до 6 степени. Во сабота претежно сончево со локална облачност и максимални температури од -2 до 8 степени. Во недела и понеделник ќе биде нестабилно со врнежи од дожд и снег. Во недела врнежите од снег ќе ги имаме над 800 метри надморска висина, а во понеделник над 1000 метри. Во останатите предели со врнежи од дожд. Дневните температури ќе се движат од 0 до 10 степени.