Ведро и студено утро, преку ден сончево и ветровито

Времето наутро ќе биде ведро и студено, а преку денот сончево со мала локална облачност. Ќе дува слаб до умерен ветер од северен правец, поизразен долж Повардарието. Минималната температура ќе биде во интервал од -7 до 1, а максималната ќе достигне од 4 до 12 степени, најави Управата за хидрометеоролошки работи (УХМР).

Во Скопје утрото ведро и студено, преку денот претежно сончево. Ќе дува слаб до умерен ветер од северен правец. Минималната температура ќе се спушти до -3, а максималната ќе достигне до 11 степени.

Во следните денови следува период на стабилно и суво време со студени утра, на повеќе места со негативни утрински температури, а дневните ќе бидат во границите на просекот за овој период од годината. В петок и сабота по одделни котлини ќе има услови за појава на магла и ниска облачност.