Вејд заминува од Мајами

По 13 години минати во екипата на Мајами Хит и три освоени титули во НБА лигата, првиот играч на тимот Двејн Вејд најверојатно ќе си замине од клубот, соопштуваат американските медиуми.

Вејд на 1 јули ќе ја има улогата на слободен агент, а неколку екипи веќе покажаа интерес за негов ангажман.

34-годишниот кошаркар имаше неколку состаноци со првите луѓе на клубот, но не потпиша нов договор. Тој последната сезона ја заврши со 19 поени во преосек, со 4,6 асистенции и 4,1 скок по натпревар. Мајами плеј офот го заврши во второто коло.

Како потенцијални екипи за ангажман на Вејд се споменуваат ЛА Лејкерс, потоа Голден Стејт, можност повторно да игра со Леброн Џејмс (Кливленд), Њујорк, како и Оклахома Сити и Чикаго.