Велешки пливачки маратон на езерото „Младост“
Во недела на Езерото „Младост“ кај Велес ќе се одржи четвртиот Велешки пливачки маратон во организација на Здружението за спорт и рекреација „Клуб 28“ и Кајакарскиот клуб „Бабуна“ од Велес, под покровителство на oпштина Велес.
Како што информира на денешната прес-конференција Роберт Папазов од организациониот одбор и годинава ќе се плива во три категории на 2,5 на 5 и на 10 километри во олимписка дисциплина во машка и женска конкуренција.
- Заради безбедноста на пливачите годинава патеката е потесна и подолга, информира Папазов.
Според Илија Попов од организациониот одбор, обезбедени се врвни судии, а за безбедноста на пливачите ќе се грижат кајакарите од велешките клубови и 30 спасители од Службата за безбедност на вода на Општинскиот Црвен крст, кои ќе бидат распоредени во чамци, кајаци и на брегот на езерото по претходно организирани пунктови.
- Досега се пријавени 40 во рекреативниот и 30 во натпреварувачкиот дел, а за најдобрите се обезбедени и парични награди, информира Попов.
Стартот е во недела на 27 август во 10 часот за рекреативците и во 12 часот за професионалците во машка и женска категорија.
Како што информираат од организациониот одбор пријавувањето во сите категории трае до петок.
Ново на Сител
-
Мицкоски поголем оптимист за македонската евроинтеграција по самитот на Берлинскиот процес
-
Мицкоски: Постои една Академија на науките и уметностите, етнички и национали теми не се мој приоритет
-
Сите биле присутни, а пукал Палевски: Маневски посочил каде е закопано телото на Панче
-
„Тука е девојчето кое го барате“ - Кешишев под притисок признал каде е телото на Вања
-
Кражба во викендица во Маврово - приведен 54-годишник од Гостивар
-
До крајот на годинава ќе нема дополнителен час евтина дневна тарифа, не се очекуваат драстични промени на цената на струјата
-
ИПИС: ВМРО-ДПМНЕ 27,2% - СДСМ 9,6%
-
Кривична пријава против скопјанец осомничен за сторени две кривични дела