Вељаноски се сретна со новоименуваната австриска амбасадорка
Претседателот на Собранието на Република Македонија Трајко Вељаноски денеска оствари протоколарна средба со новоименуваниот амбасадор на Австрија, Ренате Коблер.
Двајцата соговорници, како што соопшти Кабинетот на Вељаноски, изразиле надеж дека успешната соработка која Собранието на Република Македонија ја имало со претходните амбасадори ќе продолжи и во иднина.
Амбасадорката Коблер истакнала дека Амбасадата на Република Австрија е подготвена да помогне за натамошно интензивирање на парламентарната соработка меѓу двете земји на сите нивоа, како на ниво на претседатели на парламенти, така и на ниво на парламентарни комисии и пратенички групи за соработка.
Претседателот Вељаноски истакнал дека двете држави имаат одлична соработка и оти Република Македонија е благодарна на поддршката што ја добива во однос на предизвиците со кои се соочува на патот на евроинтеграциите. Двајцата соговорници се согласиле дека интеграцијата на земјите од Западен Балкан е од особено значење не само за регионот, туку и за Европа во целина.
На средбата е разговарано и за тековните активности во Собранието и моменталната политичка ситуација во Република Македонија.
Вељаноски ја потенцирал отвореноста на Собранието и неговиот Кабинет за сите нови идеи за соработка и континуирана комуникација со Амбасадата на Република Австрија.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп